Abas Toda Mera Dil Naz Sikhlane Ke Kaam Aata

abas toda mira dil naaz sikhlane ke kaam aata

ye aina tha us khud-bin ko itrane ke kaam aata

jalaya mushaf-e-dil tu ne kyuun barq-e-taghaful se

jo sach bolun tujhe jhuti qasam khane ke kaam aata

na malta khaak men us gul ke gham ka ashk agar mera

kasi bulbul ke shayad aab aur daane ke kaam aata

dil-e-sad-chak ka shana mira tuuta tire hathon

vagarna zulf-e-dud-e-ah suljhane ke kaam aata

liye ‘uzlat’ ke muue sar bayaban ke babulon ne

jo bachta ye chanvar jarub virane ke kaam aata

Leave a Comment