ab zard libade bhi nahin ḳhushk shajar par
jis samt nazar uThti hai be-rang hai manzar
utre hain miri ankhon men javon ke sahife
ḳhvabon ka farishta huun main ghazlon ka payambar
biite hue lamhon se mulaqat agar ho
le aana havao zara ik baar mire ghar
itrao na masti men javan-sal parindo
purva.i ke jhonkon se bhi kaT jaate hain shahpar
aa jaate hain jab bhi tiri ḳhushbu ke bulave
pechida savalat kiya karta hai bistar
Leave a Reply