Poet
ishq hai us zulf ka sartaj aaj
hai rasul-e-husn ki me.araj aaj
nok-e-mizhgan par nahin hai laḳht-e-dil
daar par khincha gaya hallaj aaj
tark chashm-e-yar ke tevar hain aur
ḳhirman-e-taqat ka hai taraj aaj
tegh-e-abru kal paḌi dil par mire
tiir mizhgan ka hua amaj aaj
chuse hain us ke misi aluda-lab
main ne nilam ka kiya pokhraj aaj
vasl ki marzi thi kal us shoḳh ki
phir gaya vo vaqt-e-istimzaj aaj
likkha hai jo vasf abru ka ‘vaqar’
sher-she.ari se na le kyuun baaj aaj
Leave a Reply