Fitrat Ansari
intiḳhab-e-nigah-e-shauq ko mushkil bhi nahin
koi a.ina tira aaj muqabil bhi nahin
kaun se gul ki ḳhabar bad-e-sahar laa.i hai
sehn-e-gulshan men kahin shor-e-anadil bhi nahin
jaane ab kaun si manzil men men arbab-e-junun
duur tak dasht men avaz-e-salasil bhi nahin
tiir aate hain kamin-gah se meri janib
meri taqdir men kya jalva-e-qatil bhi nahin
tujh se aur chashm-e-tavajjoh ka gila kya ma.ani
tera fitrat tire iḳhlas ke qabil bhi nahin
Leave a Reply