Poet
talḳhis ke badan men tafsir bolti hai
takmil-e-arzu men tadbir bolti hai
ye mo.ajiza bhi dekha ham ne kalam-e-fan ka
chup ho agar musavvir tasvir bolti hai
taz.in-e-anjuman ke ham ne jo ḳhvab dekhe
ab kirchiyon men un ki ta.abir bolti hai
vo lab-kusha ho jis dam lagta hai har kisi ko
har lafz men usi ki taqdir bolti hai
banta hai muflison ka vo gham-gusar lekin
andaz-e-guftugu men jagir bolti hai
jazbon pe laakh koi pabandiyan laga de
iz.har men unhi ki tasir bolti hai
ḳhamosh hain qafas ke divar-o-dar to kya hai
Takra ke har qadam se zanjir bolti hai
jab agahi ka azhdar Dasta hai aadmi ko
mafhum nachte hain tahrir bolti hai
Leave a Reply