Bakul Dev
ab ujaḌne ke ham na basne ke
kaT ga.e jaal saare phansne ke
tajrabon men na zahr zaa.e.a kar
siikh adab pahle Dasne ke
us se kahiyo jo ḳhud men Duuba hai
tujh pe badal nahin barasne ke
milna-julna abhi bhi hai lekin
haath se haath ab na masne ke
naqsh-e-sani hain jhilmilate sarab
naqsh-e-avval the paaon dhansne ke
aisa viran hua hai dil is baar
ab ke imkan nahin hain basne ke
ruThe bachchon se chheḌ karta huun
DhunDhta huun bahane hansne ke
Leave a Reply