Mere Ashkon Ki Gai Thi Rail Virane Pe Kya Guzra

mere ashkon ki gai thi rail virane pe kya guzra

khabar niin hazrat-e-majnun ke kashane pe kya guzra

in ankhon ko diya tha dil vo divane pe kya guzra

pada tha baat bad-maston ke paimane pe kya guzra

main aur zunnar hai tasbih-e-sad-dane pe kya guzra

mire kafir hue seti khuda jaane pe kya guzra

diya dil vasl lene ko bigada ghair ne sauda

buka is gham ke hathon men ki begane pe kya guzra

vo zulfen bas raqibon ke dilon ki sakht girhen thiin

kaho mere dil-e-sad-chak ke shane pe kya guzra

na puchha bhuul kar bhi fasl-e-gul men shisha-khu tu ne

ki is pathrav men tiflon ke divane pe kya guzra

phire aate hain mastan dar-gah-e-pair-e-mughan seti

kiya tha khana viran shaikh maikhane pe kya guzra

Dhaki thi atish-e-gul ta-sar-e-divar-e-bagh ab ke

khabar ‘uzlat’ ko niin bulbul ke khas-khana pe kya guzra

Leave a Comment