Munazza Sahar
baḌe nazuk se jazbon se mohabbat main ne paali thi
phir apne qimti lafzon ki us men jaan Daali thi
na-jane kaun se maz.hab se divane ka rishta tha
ki us ne apni hi tanha si ik basti basa li thi
gulon sa chand sa taron sa ham bhi shor karte the
ki kis darja mohabbat ham ne sar pe hi uTha li thi
kabhi socha hai tum ne bhi main chup kyon ho ga.i aḳhir
ki main ne sabr se apni zaban dil men daba li thi
kahin vo aḳhiri lamha tiri uljhan na ban jaa.e
so tujh se apni ankhon ki nami main ne chhupa li thi
Leave a Reply