Poet
ye musht-e-ḳhak apne ko jahan chahe tahan le ja
par is aalam ko is aalam se mat bar-e-garan le ja
adam se jis tarah tanha chala aaya tha phir vaan ko
munasib hai isi surat se surat chhoḌ jaan le ja
kudurat ma-siva ki dho le ḳhatir-ḳhvah ḳhatir se
ba-juz nam-e-ḳhuda hamrah mat nam-o-nishan le ja
aziz-o-aqriba ne mal-o-milkiyyat ba-kar aave
kisi ki dosti ki ai dila hasrat na vaan le ja
gada.i badshahi bhi masavi vaqt marne ke
tayaqqun kar suḳhan meri par hargiz mat guman le ja
isi duniya men duniya se kinara kar jo aaqil hai
mohabbat phir kisi shai ki na saath ai mehrban le ja
na koi le gaya kuchh aur na le jaave koi hargiz
yaqin gor-o-kafan milne pe kya tashkik haan le ja
ga.i bagh-e-jahan se ḳhalq ḳhali haath le par tu
bahar-e-zindagi se zikr ka gul be-ḳhizan le ja
bakheḌa yaan ka yaan par chhoḌ ‘afridi’ adam aḳhir
na ye dard-o-bala ranj-o-alam ah-o-fughan le ja
Leave a Reply