ab to ye safar apna asman se aage hai
marhala haqiqat ka ab guman se aage hai
jis sakun ki chahat hai vo yahan nahin mumkin
kyunki apni manzil hi is jahan se aage hai
guftugu hamari ab kya koi samajh paa.e
fikr hi hamari jab har bayan se aage hai
itna mohtaram koi aur hai zamane men
is jahan men rishta koi maan se aage hai
DhunDhti huun main jis ko vo mujhe mile kaise
ḳhatm hai jahan rasta vo vahan se aage hai
Leave a Reply