ab talak haq nahin pacchane vah-vah
jaan ko apni na jaane vah-vah
tum jo karte ho faraz roza namaz
mahz aalam ko dikhane vah-vah
muft khoi umr daane ghans men
phir kahate ho siyane vah-vah
mal-o-zar farzand ki rakh kar talab
ho rahe haq suun aghane vah-vah
haq ki ḳhilqat men magar paida hue
tum mahz khane pakane vah-vah
khopaḌi ulTi undhi ke haath suun
ainTh chalte ho utane vah-vah
hain yagane aqrban ḳhveshan sati
aap apne suun begane vah-vah
puchhte hain sab nafa nuqsan ko
sar diye paisa kamane vah-vah
ashiqan ko bolte hain ai ‘alim’
ḳhalq duniya ke divane vah-vah
Leave a Reply