meer-taqi-meer

Ab Nahin Sine Mein Mere Ja-E-Dagh

ab nahin siine men mere ja-e-dagh

soz-e-dil se daagh hai bala-e-dagh

dil jala ankhen jalin ji jal gaya

ishq ne kya kya hamen dikhlae daagh

dil jigar jal kar hue hain donon ek

darmiyan aaya hai jab se pa-e-dagh

munfail hain laala o shama o charagh

ham ne bhi kya ashiqi men khaae daagh

vo nahin ab ‘mir’ jo chhati jale

kha gaya saare jigar ko haae daagh

More Poems

Leave a Comment