Bekhud Dehlvi
ab kisi baat ka talib dil-e-nashad nahin
aap ki ain-inayat hai ye be-dad nahin
aap sharma ke na farma.en hamen yaad nahin
ghair ka zikr hai ye aap ki rudad nahin
dam nikal ja.ega hasrat hi men ik din apna
sach kaha tum ne kuchh insan ki buniyad nahin
pahle naale ko suna ghaur se phir hans ke kaha
aap ki saari hi banavaT hai ye fariyad nahin
ba.ad ustad ke hai ḳhatm ghazal ‘beḳhud’ par
mo.ajaza kahiye ise tab-e-ḳhuda-dad nahin
Leave a Reply