Ab Kise Chahen Kise Dhunda Karen

ab kise chahen kise DhunDa karen

vo bhi akhir mil gaya ab kya karen

halki halki barishen hoti rahin

ham bhi phulon ki tarah bhiga karen

aankh munde us gulabi dhuup men

der tak baithe use socha karen

dil mohabbat diin duniya shairi

har dariche se tujhe dekha karen

ghar naya kapde nae bartan nae

in purane kaghazon ka kya karen

Leave a Comment