noshi-gilani

Ab Kis Se Kahen Aur Kaun Sune Jo Haal Tumhaare Baad Hua

ab kis se kahen aur kaun sune jo haal tumhare baad hua

is dil ki jhiil si ankhon men ik khvab bahut barbad hua

ye hijr-hava bhi dushman hai is naam ke saare rangon ki

vo naam jo mere honton par khushbu ki tarah abad hua

us shahr men kitne chehre the kuchh yaad nahin sab bhuul gae

ik shakhs kitabon jaisa tha vo shakhs zabani yaad hua

vo apne gaanv ki galiyan thiin dil jin men nachta gaata tha

ab is se farq nahin padta nashad hua ya shaad hua

benam sataish rahti thi in gahri sanvli ankhon men

aisa to kabhi socha bhi na tha dil ab jitna bedad hua

More Poems

Leave a Comment