chaTak ke ghunche sunate hain kis ka afsana
ye kaun aa gaya gulshan men be-hijabana
hamara hausla-e-dil agar salamat hai
badal hi denge kisi din nizam-e-mai-ḳhana
na hosh aa.ega us ko tire karam ke baghair
tiri talash men jo ho gaya hai divana
yahi hai maslahat-e-vaqt sab ko Thukra duun
mujhe samajhti hai duniya to samjhe divana
kisi ke husn ki tabaniyon ka kya kahna
nigahen ho ga.iin qurban misl-e-divana
vahin main josh-e-haqiqat men sar jhuka dunga
jahan milega mujhe naqsh-e-pa-e-janana
nasihat aap ki hai to baja magar naseh
vo kya kare ki hai jis ka mizaj rindana
vo jab se mere tasavvur men aa.e hain ‘kashfi’
bana hua hai tajalli-kada ye kashana
Leave a Reply