ab dila.e mujhe taskin to aḳhir koi
de gaya dard ka ehsas muhajir koi
meri fariyad-o-fughan guunj rahi thi lekin
mere ghar tak nahin aaya kabhi nasir koi
rang uḌta hua lagta hai har ik titli ka
aa gaya baagh men kya phuul ka tajir koi
apne daman men liye jaata hai raste ka ghubar
chhanv hai hi kahan Thahre jo musafir koi
har ghaḌi rakkhi hai gardan pe siyasi talvar
kaise zinda rahe aḳhbar ka nashir koi
be-ruḳhi itni bhi achchhi nahin hoti ‘atish’
kab se hai pyaar ka tohfa liye hazir koi
Leave a Reply