Ab Dil Ki Ye Shakl Ho Gai Hai

ab dil kī ye shakl ho ga.ī hai

jaise koī chiiz kho ga.ī hai

pahle bhī ḳharāb thī ye duniyā

ab aur ḳharāb ho ga.ī hai

is bahar meñ kitnī kashtiyoñ ko

sāhil kī havā Dubo ga.ī hai

gul jin kī hañsī uḌā chuke the!

shabnam bhī unhīñ ko ro ga.ī hai

kal se vo udaas udaas haiñ kuchh

shāyad koī baat ho ga.ī hai

shādāb hai jis se kisht-e-hastī

vo biij bhī maut bo ga.ī hai

Leave a Comment