Ameer Minai
dil ko tarz-e-nigah-e-yar jatate aae
tiir bhi aae to be-par ki udate aae
badshahon ka hai darbar dar-e-pir-e-mughan
saikdon jaate gae saikdon aate aae
chhup ke bhi aae mire ghar to vo darbanon ko
apni pazeb ki jhankar sunate aae
roz-e-mahshar jo bulae gae divana-e-zulf
bediyan pahne hue shor machate aae
kya kahenge koi mahshar men jo puchhega ‘amir’
kyuun na bigdi hui baton ko banate aae
Leave a Reply