koi tohmat ho mire naam chali aati hai
jaise bazar men har ghar se gali aati hai
tiri yaad aati hai ab koi kahani ban kar
ya kisi nazm ke sanche men Dhali aati hai
ab bhi pahle ki tarah pesh-rav-e-rang-o-sada
ek munh-band si be-rang kali aati hai
chal ke dekhen to sahi kaun hai ye duḳhtar-e-raz
roz-e-avval se jo bad-nam chali aati hai
ye mire karb ka aalam rahe yarab abad
is zamin se bu-e-aulad-e-‘ali’ aati hai
Leave a Reply