Shaghil Adeeb
ab bhi ik vardat baaqi hai
din hua qatl raat baaqi hai
ho ga.i dafn aas ki dulhan
dard-o-gham ki barat baaqi hai
kya hua saath aap ne chhoḌa
gham-zada dil ka saat baaqi hai
zindagi go nahin hai shahron men
jangalon men hayat baaqi hai
baat to ho chuki thi ḳhatm magar
jaane kyon phir bhi baat baaqi hai
ranj sahne ke vaste ‘shaghil’
ik hamari hi zaat baaqi hai
Leave a Reply