shahar-e-ghaflat ke makin vaise to kab jagte hain
ek andesha-e-shabḳhun hai ki sab jagte hain
shayad ab ḳhatm hua chahta hai ahd-e-sukut
harf-e-e.ajaz ki tasir se lab jagte hain
rah-e-gum-karda-e-manzil hain ki manzil ka suragh
kuchh sitare jo sar-e-qarya-e-shab jagte hain
aks in a.ankhon se vo mahv hue jo ab tak
ḳhvab ki misl pas-e-chashm-e-talab jagte hain
harf-e-ḳhufta ki tarah chashm-e-taghaful ke bhi
ba.az auqat to mafhum ajab jagte hain
sahm jaate hain munDeron pe kabutar ‘sayyad’
raste beḌiyon ki chaap se jab jagte hain
Leave a Reply