ab apne des ki ab-o-hava ham ko nahin bhati
ghulami ek zillat thi sarapa dard azadi
qayadat karne valon ko masiha.i ka da.ava tha
kisi ne lekin ab tak qaum ki biiḌi nahin kaaTi
abhi tak paanv se chimTi hain zanjiren ghulami ki
din aa jaata hai azadi ka azadi nahin aati
unhin aqvam ke rahm-o-karam par ab bhi jiite hain
ghurur-e-hurriyat ne jin se hasil ki thi azadi
baja-e-fikr-e-nau raj.at-pasandi aam sheva hai
haqiqat men musalman har jagah hai kushta-e-mazi
karachi men muhajir aur inglistan men kaale
tiri taqdir men ‘jami’ likhi hai ḳhana-barbadi
Leave a Reply