Tere Aage Yar-E-Nau Yar-E-Kuhan Donon Hain Ek

tere aage yar-e-nau yar-e-kuhan donon hain ek

zagh-e-zisht aur tuti-e-shakkar-shikan donon hain ek

main siyah-baḳht aur raqib-e-ru-siyah ham-rang hain

qiir tere paas aur mushk-e-ḳhutan donon hain ek

naghma-kash kya dastan apni suna.e vaan jahan

surat-e-bulbul aur fariyad-e-zaghan donon hain ek

ho raqib-e-murda-shau par ho na kyuun raushan-bayan

yaan charagh-e-gor-o-sham-e-anjuman donon hain ek

‘lutf’ ki azad-vaz.i se maza kya ḳhaak uTha.en

yaan zaqum-e-dozaḳh o sarv-e-chaman donon hain ek