Salman Akhtar
daa.im sarab ik mire andar hai kya karun
sahra miri nazar men samundar hai kya karun
dekhe jo meri neki ko shak ki nigah se
vo aadmi bhi to mire andar hai kya karun
yak-guna be-ḳhudi ko hi ab DhunDhta hai dil
gham aur ḳhushi ka bojh barabar hai kya karun
achchha to hai ki sab se milun ek hi tarah
lekin vo aur logon se behtar hai kya karun
milte hain yuun to log ba-zahir bahut gale
har astin men koi ḳhanjar hai kya karun
Leave a Reply