aaya hi nahin koi bojh apna uthane ko
kab tak main chhupa rakhta is khvab-khazane ko
dekha nahin rukh karte jis tarf zamane ko
ji chahta hai akasr us samt hi jaane ko
ye shaghl-e-zabani bhi be-sarfa nahin akhir
sau baat banata huun ik baat banane ko
is kunj-e-tabiat ki mumkin hai hava badle
jhonka koi aa jaae patte hi udane ko
raazi na hua main bhi manus manazir par
tayyar na tha vo bhi kuchh aur dikhane ko
jaisa ki samajhte ho vaisa to nahin kuchh bhi
ye saara tamasha hai ik vahm mitane ko
Leave a Reply