Mohabbat Ko Kahte Ho Barti Bhi Thi

mohabbat ko kahte ho bartī bhī thī

chalo jaao baiTho kabhī kī bhī thī

baḌe tum hamāre ḳhabar-gīr-hāl

ḳhabar bhī huī thī ḳhabar lī bhī thī

sabā ne vahāñ jā ke kyā kah diyā

mirī baat kam-baḳht samjhī bhī thī

gila kyuuñ mire tark-e-taslīm kā

kabhī tum ne talvār khīñchī bhī thī

diloñ meñ safā.ī ke jauhar kahāñ

jo dekhā to paanī meñ miTTī bhī thī

butoñ ke liye jaan ‘muztar’ ne dī

yahī us ke mālik kī marzī bhī thī

Leave a Comment