Poet
nazar milne se pahle hi nazara mil gaya mujh ko
ki tanha Duub jaane ka sahara mil gaya mujh ko
hayat-o-marg ki manzil hui hai pyaar men asan
kinare se kahin pahle kinara mil gaya mujh ko
chubhan bhi saath laa.i hain uḌa kar nik.hat-e-gul men
havaon se pata apna tumhara mil gaya mujh ko
tasavvur aaj pahuncha de mujhe aisi bulandi par
ki tere ḳhaas jalvon ka ishara mil gaya mujh ko
jhuki palkon ki pahna.i men raqsan hai bahar-e-gul
‘kanval’ pal men chaman saare ka saara mil gaya mujh ko
Leave a Reply