main us ki aankh men vo mere dil ki sair men tha
vo apne shahr men aur main dayar-e-ghair men tha
ham apne ghar se bahut duur ja ke lauT aa.e
kisi ki aankh ka kanTa hamare pair men tha
mila to ashk-e-nadamat ki tah men us ka suragh
kisi ke dil men na ka.abe men tha na dair men tha
main janta huun liya ja raha tha mera naam
main dushmanon ki tarah us ke zikr-e-ḳhair men tha
na jaane kaise masa.il the apne rishton men
sukun sulh ke aalam men tha na bair men tha
ye aur baat ki vo sab se pahle Duub gaya
tumhara ‘taj’ bhi ḳhud-agahi ki tair men tha
Leave a Reply