avara banjare saare
suraj chand sitare saare
is chakrati dharti par hain
gardish ke to maare saare
ḳhud se jiit na paaya koi
apne aage haare saare
shabnam badal bhaap aur aansu
ik dariya ke dhare saare
ik dharti ki kokh se paida
dukh sanjhi dukhiyare saare
jo kuchh hai jholi men us ki
qudrat ham par vaare saare
ḳhud kahta hai dil divana
duniya ke gham la re saare
bol surile tere ‘pinhan’
saregama ga re saare
Leave a Reply