Poet
atish-e-ishq suun jo jalta hai
vo sada misl-e-sham.a galta hai
thaam kyunkar sakun vafur-e-sarishk
bahr-e-dil gham sati ubalta hai
bahr-e-dil men hai garche gauhar-e-ashk
sadaf-e-chashm suun nikalta hai
roz-e-bad kui rafiq niin kis ka
saaya vaqt-e-zaval Dhalta hai
jab suun raushan hai mujh suḳhan ka sham.a
rashk setin ‘siraj’ jalta hai
sher ‘da.ud’ ka misal-e-ḳhar
hasidon ke jigar men salta hai
Leave a Reply