Aashiqon Ko Ai Falak Dewega Tu Aazar Kya

ashiqon ko ai falak devega tu azar kya

dushman-e-jan un ka thoda hai dil-e-bimar kya

rashk aave kyuun na mujh ko dekhna us ki taraf

taktaki bandhe hue hai rauzan-e-divar kya

aah ne to khema-e-gardun ko phunka dekhen ab

rang laate hain hamare dida-e-khun-bar kya

murgh-e-dil ke vaste ai ham-safiro kam hai kyuun

kuchh qaza ke tiir se tir-e-nigah-e-yar kya

chal ke mai-khane hi men ab dil ko bahlao zara

‘aish’ yaan baithe hue karte ho tum begar kya

Leave a Comment