dukhon ke ruup bahut aur sukhon ke khvab bahut
tira karam hai bahut par mire azaab bahut
tu kitna duur bhi hai kis qadar qarib bhi hai
bada hai hijr ka sahra-e-pur-sarab bahut
haqiqat-e-shab-e-hijran ke raaz khoe gae
tavil din hain bade raste kharab bahut
chalenge kitna tire gham ke saath saath qadam
shikanja-ha-e-zamana hain be-hisab bahut
utar gaya hai khumar-e-sharab-e-zat kahin
hue hain gardish-e-dauran se faizyab bahut