asar-e-junun be-sar-o-saman nahin hote
ham shahr-e-tahayyur men pareshan nahin hote
raste men tilismat bichhi jaati hain har dam
ham ḳhu-e-safar surat-e-hairan nahin hote
maazi ki tanabon se lage dard ke ḳheme
kya janiye kyuun dida-e-imkan nahin hote
ḳhvabon ki haveli se ravan shor-e-musalsal
avaz-e-jaras ke liye zindan nahin hote
ham zabt ki tariḳh ke hain baab ‘rashidi’
ham zabt ki tariḳh men pinhan nahin hote
Leave a Reply