Sajid Hameed
arzuen sab ḳhaak huiin
sansen aḳhir chaak huiin
manzar manzar ḳhushbuen
pal men jal kar raakh huiin
dekh ke murda lafzon ko
sochen bhi namnak huiin
pichhle pahar jo ubhri thiin
avazen ḳhashak huiin
raushan hain sapnon ke alaav
ab raten bebak huiin
tere badan ki shabnam se
nazren dhul kar paak huiin
tanha.i pa kar yaden
‘sajid’ haft-aflak huiin
Leave a Reply