afeef-siraj

Aapne Aaj Ye Mahfil Jo Sajai Hui Hai

aap ne aaj ye mahfil jo sajai hui hai

baat us ki hi faqat bazm men chhai hui hai

is qadar naaz na kiije ki buzurgon ne bahut

barha bazm-e-khud-arai sajai hui hai

is qadar shor hai kyuun surkhi-e-akhbar pe aaj

jabki malum hai har baat banai hui hai

aaj to chain se rone do mujhe goshe men

ek muddat pe gham-e-dil se judai hui hai

sharm mat kijiye le liije sahara mera

maat ham ne bhi bahut aap se khaai hui hai

aaj ham kyuun na kahen mohr-ba-lab kyuun rah jaaen

mai-kade men badi mushkil se rasai hui hai

aaj be-fikr bahut hain ki koi baar nahin

sarf arbab pe sab din ki kamai hui hai

fakhr zeba hai ki muddat pe kahin ja ke miri

ab talabgar khuda ki ye khudai hui hai

More Poems

Leave a Comment