Gham-E-Hijran Ki Mari DhunDhti Hai

ġham-e-hijrāñ kī maarī DhūñDhtī hai

havā ḳhushbū tumhārī DhūñDhtī hai

Dagar pe chalne vaalī zindagī bhī

kabhī be-aḳhtyārī DhūñDhtī hai

yakāyak ho gayā hai ḳhauf ruḳhsat

ki ab hirnī shikārī DhūñDhtī hai

ajal ik ālam-e-vahshat meñ raqsāñ

sabhī ko baarī baarī DhūñDhtī hai

parinde khoj meñ nikle hue haiñ

mujhe sub.h-e-bahārī DhūñDhtī hai

Leave a Comment