aap nigah-e-mast se patthar ko aab kijiye
thamiye aab haath men aur sharab kijiye
kar-e-vafa ka jab nahin koi sila janab-e-ishq
banda naya talashiye mera hisab kijiye
aa hi ga.e hain aap to itna karam ki do qadam
chal ke hamare saath dil sab ke kabab kijiye
chaa.e men mat mila.iye shakar ki hai zarar-risan
shamil miThas vaste apna luaab kijiye
ham ne kaha ki aap ke honTon se ek kaam hai
band-e-naqab khol kar bole janab kijiye
tohmat-e-zohd le ke ham baiThe hue hain muntazir
kuchh to qarib aa.iye kuchh to ḳharab kijiye
daal nahin janab ki galne ki bazm-e-husn men
uThiye nashist chhoḌiye band kitab kijiye
Leave a Reply