Aap Kya Ek Sitamgar Bane Baithe Hain

aap kya ek sitamgar bane baithe hain

ghair bhi to mire gham-khvar bane baithe hain

vaizon ki bhi ye tauqir hai allah allah

pasban-e-dar-e-khummar bane baithe hain

chashm hai ab-e-ravan siine men daghon ki bahar

ham bhi ik takhta-e-gulzar bane baithe hain

puchhte hain vo mujhi se ye ghazab to dekho

aap bhi talib-e-didar bane baithe hain

dilrubai ke ye andaz ghazab hain tere

ki havas-pesha kharidar bane baithe hain

Leave a Comment