Aansu Hain Aur Na Aah-O-Zari Hai

aañsū haiñ aur na āh-o-zārī hai

ik ajab dil ko be-qarārī hai

thā adhūrā kabhī binā mere

jis ko do pal kā saath bhārī hai

kuchh na thā haath meñ kabhī tere

saañs tak pe be-iḳhtyārī hai

jī rahe ho samajh ke apnī tum

bā-ḳhudā zindagī hamārī hai

kuchh tamāshā lage ki baaqī hai

dhaḌkanoñ kā jo khel jaarī hai

jī rahe haiñ binā tire ab tak

is meñ qudrat kī dast-kārī hai

‘shamsa’ mahfil meñ ab ujālā hai

kyūñki ye raushnī tumhārī hai

Leave a Comment