Shamsa Najm
aansu hain aur na ah-o-zari hai
ik ajab dil ko be-qarari hai
tha adhura kabhi bina mere
jis ko do pal ka saath bhari hai
kuchh na tha haath men kabhi tere
saans tak pe be-iḳhtyari hai
ji rahe ho samajh ke apni tum
ba-ḳhuda zindagi hamari hai
kuchh tamasha lage ki baaqi hai
dhaḌkanon ka jo khel jaari hai
ji rahe hain bina tire ab tak
is men qudrat ki dast-kari hai
‘shamsa’ mahfil men ab ujala hai
kyunki ye raushni tumhari hai
Leave a Reply