Raziq Ansari
aansu apni chashm-e-tar se niklen to
taza-dam ho jaa.en ghar se niklen to
bimaron ko thoḌa sa aram mile
bahar dast-e-chara-gar se niklen to
sachcha.i se parda bhi haT sakta hai
aḳhbaron men chhapi ḳhabar se niklen to
na-mumkin hai vapas lauTen ḳhali haath
chand pakaḌne lekin ghar se niklen to
manzar men kirdar hamara bhi aa jaa.e
shart hai pahle pas-manzar se niklen to
Leave a Reply