Poet
ankhon pe vo zulf aa rahi hai
kaali jaadu jaga rahi hai
zanjir jo khadkhada rahi hai
vahshat kya ghul macha rahi hai
laila khaka uda rahi hai
majnun ko hava bata rahi hai
zulfen vo pari hila rahi hai
divanon ki shamat aa rahi hai
pamal-e-khiram ho chuke dafn
pisne ko bas ab hina rahi hai
hain chaal se un ki zinda dargor
murdon pe qayamat aa rahi hai
dil ne ulfat se zak uthai
ankhon dekha rula rahi hai
goya hone de be-zabani
kyuun mera gala daba rahi hai
‘agha’ sahab gali men un ki
ik huur tumhen bula rahi hai
Leave a Reply