ahmad-khayal

Jis Samay Tera Asar Tha Mujh Mein

jis samay tera asar tha mujh men

baat karne ka hunar tha mujh men

sub.h hote hi sabhi ne dekha

koi ta hadd-e-nazar tha mujh men

maan batati hai ki bachpan ke samay

kisi aaseb ka Dar tha mujh men

jo bhi aaya kabhi vapas na gaya

aisi chahat ka bhanvar tha mujh men

main tha sadiyon ke safar men ‘ahmad’

aur sadiyon ka safar tha mujh men

More Poems

Leave a Comment