Aankhon Mein Rup Subh Ki Pahli Kiran Sa Hai

ankhon men ruup subh ki pahli kiran sa hai

ahval ji ka zulf-e-shikan-dar-shikan sa hai

kuchh yadgar apni magar chhod kar gaiin

jaati ruton ka haal dilon ki lagan sa hai

ankhen baras gaiin to nikhar aur aa gaya

yadon ka rang bhi to gul-o-yasman sa hai

kis mod par hain aaj ham ai rahguzar-e-naz

ab dard ka mizaj kisi ham-sukhan sa hai

hai ab bhi rang rang-e-tamanna ka pairahan

khvabon ke saath ab bhi vahi husn-e-zan sa hai

kin manzilon lute hain mohabbat ke qafile

insan zamin pe aaj gharib-ul-vatan sa hai

vo jis ka saath chhod chuka naz-e-agahi

ab bhi talash-e-rah men vahi rahzan sa hai

shakhon ka rang-rup khizan le gai magar

andaz aaj bhi vahi arbab-e-fan sa hai

khushbu ke thamne ko badhae hain haath ‘ada’

daman-e-arzu bhi saba-pairahan sa hai

Leave a Comment