ankhon men miri phirti hai tasvir kisi ki
tasvir men huun meri hai tasvir kisi ki
but apne hi ko kahte hain sab ahl-e-tasavvuf
tasvir-e-butan hoti hai tasvir kisi ki
hai pesh-o-aqab dil ke mire aur chap-o-rast
har lahza miyan phirti hai tasvir kisi ki
hasti hai kahin aur na basti hai kisi ki
dekha to yahi hasti hai tasvir kisi ki
tasvir miri mere musavvir ki hai ‘mardan’
har-dam ye sada deti hai tasvir kisi ki
Leave a Reply