ankhen khuli khuli hain nazar le gaya koi
divar-o-dar to hain vahi ghar le gaya koi
saari zamin ho ga.i be-ab-o-be-gyah
vo chahchahe vo lutf-e-sahar le gaya koi
manzar had-e-nigah talak laal laal hai
har samt se green color le gaya koi
ab ke samundaron ka safar be-maza raha
tufan-e-ḳhauf aur bhanvar le gaya koi
ug aa.iin rat-bhar men falak-bos buildingen
‘saifi’ haveliyon ka khanDar le gaya koi
Leave a Reply