ahmad-rizwan

Aankhen Banata Dasht Ki Wusat Ko Dekhta

ankhen banata dasht ki vusat ko dekhta

hairat banane vaale ki hairat ko dekhta

hota na koi kar-e-zamana mire supurd

bas apne karobar-e-mohabbat ko dekhta

kar ke nagar nagar ka safar is zamin par

logon ki bud-o-bash o rivayat ko dekhta

aata agar khayal shajar chhanv men nahin

ghar se nikal ke dhuup ki hiddat ko dekhta

yuun lag raha tha main koi sahra ka ped huun

us shaam to agar miri halat ko dekhta

‘ahmad’ vo izn-e-did jo deta to ek shaam

khud par guzarne vaali aziyyat ko dekhta

More Poems

Leave a Comment