aankh par eatibar ho jaae
dil ko gar tum se pyaar ho jaae
maut ba-e’tibar ho jaae
zindagi sharh-dar ho jaae
tum ko mil jaega sukun shayad
dil agar be-qarar ho jaae
harne vaale hai dua meri
meri har jiit haar ho jaae
maut is ko na kyuun gavara ho
zindagi jis pe baar ho jaae
jis ko nisbat tumhare naam se ho
vo ghazal pur-vaqar ho jaae
teri nazron se jab gire ‘tarzi’
apni nazron men khaar ho jaae
Leave a Reply