chhanv auron ke liye hai to samar auron ke
kaam aate hain hamesha hi shajar auron ke
vo hai a.ina use fikr ho kyuun kar apni
vo batata hai faqat aib-o-hunar auron ke
jang maidan se kamron men simaT aa.i hai
ghar na jaana kabhi be-ḳhauf-o-ḳhatar auron ke
ahd-e-nau teri siyasat ka karam hai ki yahan
jism apne hain magar jismon pe sar auron ke
baḳhshne vaale hamen baḳhsh de apni taqat
ab na rahe pa.enge ham dast-nigar auron ke
mujh ko apnon ne vo ta.abiren ata ki hain ki aaj
ḳhvab palkon pe sajata huun magar auron ke
ye bhi kya baat ki har saans ho ḳhud se mansub
zindagi naam hi karna hai to kar auron ke
Leave a Reply