Basir Sultan Kazmi
a.amal-e-kaj karenge ta.aqub qubur tak
pichha na us ke ba.ad bhi chhoḌenge duur tak
kuchh aur jaag lene de ai sham-e-zindagi
sona hai is ke ba.ad to sub.h-e-nushur tak
apna vahi saval tha us ka vahi javab
kya kya na koh dekhe himala se tuur tak
guzrega kaise kaise madarij se kya ḳhabar
lamba safar hai ḳhaak ke zarre ka nuur tak
ghafil hain is qadar ki guzarta hai ye guman
ham ko jaga na pa.egi avaz-e-sur tak
‘basir’ kahan hain roz ke vo ham-safar mire
ḳhali paḌi hui hai saḌak duur duur tak
Leave a Reply